دعوه لحل المشاكل ؟؟؟؟ والي عانده مشكله ياريت يشاركنا

لا يخلي انسان من المشاكل

فالمشاكل هي الي بتدي طعم للحياه ومن غيرها الحياه لا قيمه لها


ولا توجد مشكله بدون حل


فيا ريت اي واحد منا عانده مشكله مننا يقولها وباذن الله اي واحد مننا يعرف الحل يحلها له وانا باذن الله هساهم في حل المشاكل دي



وشكراااا لكم للمشاركه

الاول عايزه اشكرك يا علاء الدين على الموضوع ده
و مشكله المواعيد دي عندي انا كمان و الحمد لله
يعني ممكن انك تفكر ان الشخص اللي هيكون مستنيك ده انت و شوف بقى هتعمل ايه
لو حد لطعك في الشارع نص ساعه ولا حاجه
و كمان يعني انت احسبها شوف المواصلات مثلا هتاخد اد ايه و انت معادك امتى و روح بدري
و يارب اكون افدتك

موضوع جميل جدا وكفايه ان علاء باشا هوه الكاتب الموضوع ده والمشاكل كتيره وماتقلقش

فعلا ياجماعه مشكله ضبط المواعيد دي عندنا كلنا فعلا
بس في ناس هي من النوعيه الي مش بتلتزم بالميعا
وناس بتعطلها ظروف ياعني الامور لا تاخذ علي علتها اكيد عانده مبررر
بس للاسف في الوقت الي احنا عايشينه صعبه ان حد يبقي ملتزم لاسباب كتير ياعني المواصلات والظروف كتير وحدش هايغلب علشان يديك اي كلام

بس احنا لو التزمنا بالمواعيد مع غيرنا اكيد الي انت هاتلتزم معاه هايلتزم معاك


وان مالتزمش اديله معاد والطعه في الشمس لغايه لما يتعلم
وسيبه ان التزم خير وبركه وان مالتزمش سيبك منه استحاله انك تغيره



واكيد انتم عاندكم حلول احسن من عاندي وشكرا ااا لتعاونكم معايا

يا جماعه انا فيه عاندي مشكله


وهي اني اوقات كتير بحس اني زهقان جدا ومش طايق اي حد ؟

بس انا بطلب ان اي واحد انا غلط في حقه يسامحني وينسي اي حاجه وحشه بنا

انا اول واحد مسامحك اهو انا ابوك يابنى


وبقول زى مانتا قلت طول منتا محترم مواعيدك مع الناس هما كمان هيقدروا احترامك ده

وجرب وقولى


انما مساله انك متضايق يا علاء

حاول تقرب من ناس وحبهم واكيد هتلاقى ساعتها اللى ينسيك الضيق ده

وابقى قابلنى لو نسيته لانك انتا اللى مضايق نفسك


play life

enjoy ur time

اخوك المحب : وائل

والله الموضوع يا خاااااااااااااااااااااااااااال فوق الممتاز وشكرا على التفاعل الجامد ده

اولا بشكرك جداااااااااااااااااا لمرورك علينا ومشاركتنا

ثانيا ازيك يا هندسه

انا هاعلق علي سؤالك وبقولك ان فيه ناس كتير بتحب بعضها ولازم الصديق يحب صديقه

بس انت كلامك ده اكيد انك مريت بتجربه مع صديق عزيز لك

وبقولك انك اول حاجه لازم تعرف هل الموقف الي انت اخدته منه صح ؟

مش ممكن يكون هو عانده مبرر وانت مداتلهوش فرصه انه يقولك عليه او انك مارضيتش تقتنع

لان الصاحب العزيز صعب انك تعوضه


اما ان خانك فانه بالفعل ليس له عزر او واقعك في مشكله وهو متعمد


بس لازم نسامح ونفضل اصحاب ومش لازم نرجع زي الاول بس يبقي بنا علي القل سلام

ولعلمك ان في ناس اكيد بتحبك جدا بس انت ممكن مش واخد بالك ممكن انسان يعمل معاك حركه وحشه بس ممكن يكون هادفه مصلحتك ومش اصده يضرك وانت فهمت غلط

ولازم يكون لنا اصحاب نسق فيهم ونحبهم


وشكراااااااااااا لك يا بش مهندس علي تعاونك معنا

انا طبعا بشكر علاء لتانى مره على فكرته الجميله دى


هرد على محمد علاء بص ياباشا المشكله دى نابعه من جواك انتا

انتا لو شايف انك مبتحبش حد خالص يبقى مفيش حد بيحب حد

هتقول موقف حصل ليك بلاش نحكم على الناس كلها بسبب واحد مهما عمل

انا عارف انها بتكون صعبه بس صدقنى لو دورت هتلاقى كتير بيحبوك ونا اولهم

مش كلام والله انتا عارف معزتك مهما كنا بعاد عن بعض فنا بحبك انتا اخويا وانتا اكيد عارف كده

وهتلاقى غيرى كتير

وعلشان تنسى موضوع ان مفيش حد بيحب حد ده لازم تحب انتا الناس الاول وابقى قابلنى لو قلت كده تانى

بس والله مشكور لعرضك مشكلتك

انا بقى عندى مشكله بس بستاذن علاء انى هعرضها بره لانى عاوز ردود اكتر عليها ولانها طويله وياريت ترد انتا ياعلاء بس انا مكمل معاك فى مناقشه المشاكل بعد دى ان شاء الله

سلااااااااااام ليكم يا حبايبى

وقت الفراغ مشكلة لاحل لها خصوصا غنى غنتهيت من الدراسة وكل وقتى بقضيه فى البيت واخدة اجازة مفتوحة
كمان الروتين والملل من تكرار اليوم وكأنه بيعيد نفسه تانى

اولا بشكرك جدااا يابسطامي علي مرورك علينا ومشاركتك في الموضوع

ثانيا | والله فعلا سابسطامي وقت الفراغ مشكله عند الجميع وهي من اكبر المشاكل في وقتنا الحالي


واحنا مش عارفين نعمل ايه بس الاصدقاء اكيد بيقضوا علي وحده الملل التي تعيشها بس الاعده في البيت بتجيب الملل

لازم تخرج من البيت تتمشي مع الاصدقاء تلعب رياضه او تشتغل مثلا وانا شايف ان الشغل فعلا هو اجمل شئ للقضاء علي وقت الفراغ بشئ مفيد

وانا طبعا مش هاقولك روح مكتبه ولا حاجه لان ده مجرد كلام محدش دلوقتي بيروح مكاتب او بيقرا قليل جدااا

ودي كانت وجهت نظري في الموضوع واكيد ممكن يكون اي انسان اخر له وجهت نظر معينه اخري


وبشكرك مره تانيه علي مشاركتك معنا في الموضوع ونتمني دوام المشاركه

بص يا بسطامى


انا مع علاء انك لو قربت من اصحابك عمرك ماهتحس بالملل

اكيد برده هتلاقى وقت فراغ بس احسن من الاول جرب وابقى رد علينا

انا بشكرك جدا يا حبيب قلبي وصديق عمري علي مشاركتك معايا في موضوعي

طيب يا جماعه انا عندي مشكله
ان خلاص المدارس جات و هنشيل النت خالص
و انا مضايقه اوي و مش عايزه ازاكر او افتح كتاب و مش طايقه المدارس يعني من الاخر كده
مخنوقه اووووووووووووي
و مش عارفه اعمل ايه

اولا ارحب بكي يا يسمين علي مشاركتك معنا في الموضوع

بس مشكلتك دي فعلا مشكله عاند كل الناس ومش عارفين لها حل


بس انا من وجهت نظري ان تهتمي بدراستك ودروسك لان من يحب احد يتمني له الخير واحنا كلنا بلفعل احببناكي ونتمني لك النجاح والتفوق

واحنا دايما ها نبقي فاكرينك مهما طال البعاد واحنا فعلا هانبقي زعلانين جداا لمفارقتك

بس هانزعل اكتر لو مهتمتيش بدروسك لانك كلما كنت مهتمه بدروسك ومتفوقه هاتفتخر بكي وهانفرح اكتر وهانتغلب علي زعلنا

وبشكرك جدااا علي مرورك الطيب

مين اللي يشكر مين
شكرا ليك انت على الموضوع و على ردك على مشكلتي اللي هتجنني
اللي هقوله ربنا يعني على المزاكره ويعنين كل اللي بيزاكروا
و ان شاء الله تعدي السنتين الجايين على خير
عليا و على كل الناس
و كل سنه و انتم طيبين يا جماعه
رمضان خلاص بكره

انا بشكرك يا يسمين

وكل عام وانت وكل المسلمين بخير

و مع خالص تحياتى ((السيد عصام(vandam))

فعلا ياياسمين الدروس دى حاجة متعبة جدا جدا بس الحمد لله ده امر علينا هتقولولى شرح فى المدرسة هقولكم محدش بيشرح حاجة بس الحمد لله مدرستنا فيها نظام تمام يعنى انا لما اعوز اغيب انشالله 60 يوم ومش اتفصل ولا حاجة كل الحكاية اروح ادى لبتاع الغياب اليوم بنص جنيه ويشيلك على طول واهم حاجة عندنا لم الورق ونظافة المدرسة وعندنا بقا كطلبة المدرسة فى اللى بيلف فى الطرق واللى يقف على الاسوار وربنا يعدى السنة دى على خير بس عاوزاكم تقولولى انا اخدها منازل ولا اروح المدرسة ؟؟؟؟

الاول كل سنه و انتي طيبه يا زهراء و انا هقولك رأيي في موضوع المدرسه ده
بصي انا بيتهيئلي لو انك روحتي المدرسه هيكون احسن عشان تكون مكان تغيري فيه جو
انا عارفه هتقولي جو ايه دي مدرسه بس باين على مدرستك حلوه اوي و كمان لو انتي عايزه تغيبي هتغيبي براحتك بس يعني لما تروحي هيكون احسن على الاقل هتقابلي اصحابك و تقعدوا
مع بعض و مين عارف مش يمكن حد من المدرسين يشرح ولا يقول كلمه تفيدك
ياريت اكون افدتك
و كل سنه و انتي طيبه يا جميل