انتا مصرى..بتعرف تختار..ادخل وقول رايك عن كل حاجه فى بلدك..,

الموضوع ببساطه شويه اسئله .جريئه بسيطه محرجه ..
والمطلوب منك تختار بكل امانه الاجابه الى انتا شايفها صح..

ومن خلال نتيجة الاستفتاء هنعرف المصريين بيفكروا ازاى ودماغهم رايحه على في
ن ..عاوزين الكل يشارك..وطبعا ممكن تكون اجابتك على احد الاسئله مش موجوده فى
الاختيار او اجابة السؤال نفسه مش موضوعيه ..بس الموضوع فى الاول
وفى الاخر موضوع ساخر..والقافيه حكمت بقى

* اللى مش عاجبه اى سؤال او مش مقتنع باجاباته له كامل الحق فى انه ميجاوبش عليه...

وان شاء الله فى نهاية الاستفتاء هوضح معنى كل اجابه ..

نبدا مع الاسئلة...

*بتكره الريس؟

1-ايوه
2- لأ
3- قلتلى مين؟

*فى ايدك مسدس ونفس الريس قدامك وهيتعرض للاغتيال

1-تقتل اللى هيغتاله
2- تقتل الريس
3- تقتل نفسك وتستريح

*كلنا بنكره امريكا ربنا يجحمها ...طيب جاتلك فيزا تشتغل هناك تعمل ايه؟

1-تطير من الفرحه ..وتوافق
2- تطير من الفرحه وترفض...
3-تكمل كوبايه الشاى اللى كنت بتشربها

*جاتلك فرصه وسافرت تجاهد فى فلسطين ..

-تجاهد مع فتح
2- تجاهد مع حماس
3- تروح تشتغل فى تل ابيب

*الوحده الوطنيه شعار بلدك وقريب هيتكتب على الجنيه , انتا بقى راكب

فى مركب والمركب بيغرق اخدت انتا شمبر وفلت .

.وممكن تشتال معاك واحد وفيه اتنين بيستغيثوا.وانتا عارفهم
اساسا لما كنت ع المركب

شيخ باكستانى ..وشاب مصرى شاكك كده الله واعلم انه مسيحى

" او مسلم لو انتا مسيحى "

1-تنقذ الشيخ
2-تنقفذ الشاب
3-.تديهم الشمبر وتتكل على الله انتا

تتوقع الرئيس المصرى القادم يبقى

1- جمال مبارك
2- جمال مبارك
3- جمال مبارك

عدد االاحزاب المعارضه فى مصر

1-0
2- ولا حزب
3- الحزب الوطنى

طول عمرنا بنسمع عن القراءة لل جميع بصراحه
..قريت كام كتاب عن طريقهم

1- ولا كتاب
2- قريت كتير
3- انا اسمى مش جميع

برده بنفس الصراحه تفتكر مين اول واحد مسؤل عن كارثه العباره

1- الركاب
2- الحكومة ..وتوابعها
3- الصراحه راحه ......يا حاحا

لو ربنا كرمك واتجوزت ..وخلفت ولد ولازم تسميه
باسم من دول...... تختارله اسم ايه

1- جمال
2- السادات
3- مبارك
4- شعر الصدر حسين

بكل صراحه جاتلك فرصه عمل فى السعوديه هتشتغل بواب

.وانتا خريج جامعه ..احتمال تنضف العماره كل

يوم ..واحتمال تتشتم وتنضرب ..ومحدش هيعرف حاجه ..والمرتب 2000 ريال

1- فين عنوان العماره
. 2- انا مصرى يابيه
3- متاكد ان محدش هيعرف ؟؟

طلب منك راجل كبير متعرفهوش تساعده فى مشوار
هياخد منك تقريبا ساعه وقت ومجهود مش قليل ..

1- هتساعده
2- مش هترد عليه اساسا
. 3- مش هتساعد بس هتعتذر .

طلب منك نفس المشوار ..بنت كده شكلها فى جامعه
..وبرده احتمال تكون حلوه شويه ..

1- فين المشوار .
.2- برده مش هترد ااساسا
3- مش هتساعد بس ممكن تاخد رقم التيلفون

ايه احتمال انك تكون وزير او رئيس فى يوم

1- - ممكن ..مش ممكن ليه
2– مظنش
3- يعنى ايه احتمال

فيه امل نبقى زى سنغافورة اقتصاديا مثلا

1- سنغافوره!!
2- مفيش امل
3- فيه امل ..تاخدها فى ايدك ولا الفهالك

تفتكر انه فعلا فيه اخوه بين العرب واشقاء زى ما بيقولوا

1- انا مصرى واتولدت كده ومليش دعوه بحد
2- اكيد فيه اخوه بس كلام وبس
3- بلا اخوه بلا بتاع قلتلى كوز البترول بكام!!

- كعربى او كمصرى اذكر موقف يدل على الوحده العربيه

1- حبهم لهيفا
2- 2- حبهم لنانسى
3- حبهم للاتنين

كمواطن شريف يعيش فى بلد ربع شريف ونص حرامى
تخاف اكتر من

1- الظابط
2- الحرامى
3- الاتنين وحياتك

ايه اكتر انجاز حسيته وتفتخر بيه فى اخر 30 سنه

1- الانجازات كتير
2- الجوع او البطاله او السرقه او التزوير او التدهور الاقتصادى او ....
3- كان على عيبنى بس دى اسرار دوله ..

تفتكر الوزرا اللى ودونا فى داهيه من اول التعليم
مرورا بالصناعه وانتا معدى على الزراعه

1- مسؤليتهم هما واللى عينوهم
2- على الريس
3- عليا انا بس عدى السؤال

ثورة 52 كانت يوم 23 يولو واتوضع ليها 6 مبادىء تعرف كام مبدا منهم؟
1- اعرفهم السته
2- تمشى 4 ؟
3- سعد,سعد يحيا سعد..

تفتكر لما سعد زغلول اتنفى وقامت الثورة ..الشعب اللى كان موجود فى مصر وقتها

اللى قامو بقا بالثورة كانوا

1-اتراك
2- انجليز
3- احتمال مصريين

لما ايمن نور دخل السجن وطلعت السادات دخل السجن تفتكر
الشعب اللى كان عايش فى مصر وقتها
1- تركى
2- انجليزى
3- احتمال مصرى

تفتكر فى فرح جمال مبارك ...كان فيه نقطه"للى من فرنسا وتوابعها
ظرف كده فيه مبلغ محترم ومكتوب عليه الف مبروك للعروسين ..واسم صاحب الظرف"

1- مظنش
2- ممكن
3- بلاش نَقطه "سكته قلبيه"

شعورك كان ايه لما فاروق حسنى اترشح لمنصب فى اليونيسكو

1- يابخت اليونسكو
2- يابخت فاروق
3- يابخت وزراة الثقافه ..هتترحم .

تفتكر لو السادات مكنش مات ..كانت مصر بقت فين ن

1- فى المقدمه
2- زى ما احنا
3- فى المعتقل.

فى موريتنا قامت ثورة زى بتاعتنا كده ..وبعديها سلم الراجل اللى
قام بالثورة الحكم للمدنيين وراح يرعى قطيع غنم فى الصحرا...تفتكر الريس جمال معملش ليه كده

1- كل زمن وله ظروفه
2- يمكن اللى عمله الصح
3- عشان يا ذكى..جمال مكنش عنه غنم.

بمناسبه الغنم ..فيه اشاعه بتقول ان انفلونزا الطيور فى مصر من 97
ولو منظمه الصحه العالميه قالت انها دخلت مصر خلاص ..مكنش حد اتكلم ..ممكن يكون الكلام دا صحيح؟؟
1- مليون الميه
2- الكومه بتاعتنا دى ......خلاص خلاص
3- لا ياعم انتا عمرك شفت فرخه ماتت كده الا الوقتى ؟

فزروه:تفتكر الحكومه عملت ايه فى الطياره اللى انفجرت فى امريكا
بصاروخ وكان فيها خيره شباب مصر وراجيعن بلدهم

1- عملت محشى
2- عملت حواجبها
3- هتعمل ايه يعنى ..دا قضاء وقدر.

ورونا الهمه

شككلك هتودينا فى داهية يامان

وهنبات ان شاء الله فى امن الدولة كلناه قريب

وأكيد هيقفلوا لنا المنتدى

بس بصراحة دا اللى حاصل واللى بيحصل

وعندك حق فى معظم اختيارات الإجابات

يلا كلنا لها

شكرا جزيلا على الموضوع دة والاسئلة دى مش محرجة ولا مضحكة بس بتعبر على الواقع المرير للمصريين والعربوكمان الاختيارات واقعية وخصوصا سؤال الوحدة العربية بين هيفاء ونانسى.....

اةة امن الدولة علي الابواااب احزروا

القسم عملتهولك يا عم الساحر

وورينا همتك

الرب واحد والعمر واحد

للأسف دا اللى فعلا بيحصل

وبكدة يبقى أنت اكيد فى مصر

لا جامدين شويه الاسئله دول

بس ابقوا حطوا بادي جارد على الباب عشان

لو حصل كبسه ولا حاجه ناخد بالنا و نلحق نجري

هههههههههههههههههههههه

لا بجد و الله اسئله تخليك تقف مع نفسك شويه

شكرا يا ساحر على الموضوع الجامد ده

شرا يامان على الصراحه دى وانا معجب بصراحتك دى

http://12.47.45.78/rendered/cooltext63973145.gif

فعلا ربنا يتولانا برحمته ويصبرنا علي مابلانا

والله نورتم الموضوع بمشاركتكم

مشكور وعلي فكرة الاغلبيه مننا يعني اجابتهم هتكون واحدة لان كلنا في مركب واحدة

مشكور

بصرااااااحة إنتم مكبرين الموضوع أووووووى إنتم بتتحججة

كلنا طبعاً بنحب الريس هوه عايزكم محتاجين حاجة

التعليم مجانى خاااااااالص والمنااااااهج سهلة والكليات مجاميعها قليله خااااااااالص

ومفيش حد عاااااااطل أى واحد بيتخرج من الجامعة بشتغل تانى يوم فى مجاله

والمواصلات فاضيه ومفيش تلوث ولا دخان والمستشفبات 5 نجوم والمرتبات أعلى حاجة

والشقق كتير......

كل حاجة متواجدة بزمتكم محتاجين حاجة

ليه بتكرهوا الريس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شراا يا باشا على الموضوع الهادف ده وربنا معاك Embarassed

شراا يا باشا على الموضوع الهادف ده وربنا معاك Embarassed

بجد انا مبسوط من صراحتك وشجاعتك على انك تكتب في المواضيع بجد بس فعلا احنا محتاجين للتغيير ليس الا......... مش صحيح اننا شعب مش بييجي غير بالكرباج لا
لأن الشعب ده هو اللى هزم الصليبيين والمغول والانجليز واليهود
ولانه كده فهو محارب من قبل دول كتييييييييييييييييييير

بجد يامان تستحق نرفعلك القبعة ...........................ولك منى كل تقدير

براحه يا زعيم

اي الكلام الجامد ده

وعلي فكره المنتدي ده متراقب من المخابرات

وعليه جواسيس

هههههههههههههههههههههههههه

السلام عليكم

الاسئله ساخنه جدا وبيتهيألى إجاباتها معروفه

جامد اوي

مشششششكور

والله انا لما اريت الاسئله وكنت قربت اخلص واوصل للنصف نسيت الاجابه بس اسئله حلوه

بس ياجناعه لازم مهما كان يكون عندنا انتماء وده برده ولي امرنا
والرسول عليه افضل الصلاه والسلام قال (واطيعوا اولي الامر منكم )

هو اه مودينا في داهيه بس نعمل ايه قدرنا كده

انا طبعا مصرى ومحدش يقدر يقتل مبارك ونا موجود

وعاوز اسافر امريكا مين اللى قالك انى باكره امريكا

والله البلد دى احسن من غيرها واللى مش عاجبه يغور احنا اللى مبوظينها

وكفايه شتيمه فى بابا حسنى بابا كل المصريين

سلاااااام يا حبى

اخوك المخلص : وائل

بس بقولك اية ياعم الساحر انا حاسس ان هم عاوزينك عارف فين

اقول بس؟؟؟؟؟؟
(امن دولة هةههههههة)

والله كلكم نورتم الموضوع يا حبايبى

وانت لو كنت تعرفنى مكنتش قولت ان انا اروح امن الدوله