طيب والحل.. ادِّيها بطاطا!

فيه حلول كتير للإحباط منها حلول عملية ممكن تنفذها بنفسك، ومنها حلول طبية محتاجة تروح "للحكيم" ومنها الحلول اللي ممكن تقراها على الورق بس وتنفض لها..

تعالوا نشوف مجموعة حلول بيقدمها لنا علم النفس بالنسبة للشخص المحبط:

- ممكن تعمل حاجة اسمها التهدئة الذاتية؛ بمعنى إنك تتنفس بشكل صحي (شهيق عميق، وزفير صغير!! قصدي بطيء)!!

- لو حاسس إنك عاوز تعيط سيب نفسك خاااااالص!!!

- احكِ للقريبين منك عن اللي عجزت إنك تحققه، وده مش عيب علشان؛ مافيش سوبرمان غير في الحكايات الخيالية، فكل واحد عنده شيء عجز عن تحقيقه!!

- حاول تكون لك هواية؛ لأن الهوايات بتخليك في حالة أكثر سعادة، وأقل إحباطًا!!

- حاول تسعد الناس اللي حواليك دايمًا علشان؛ هييجي عليك يوم تحتاج اللي يسعدك فيه، ويا بخت مَنْ بات مغلوب، ولا باتش غالب!!!
- دوام الحال من المحال.. يعني لازم تعرف إن اللي إنت فيه ده مش هيستمر طول العمر.

- دلوقتي نيجي لجزء مهم قوي، وهو الأكل، وتأثيره على الإحباط... فعندك أولاً: الأحماض الأمينية الموجودة في القرفة، وعسل النحل، والبروتينات الحيوانية زي: اللحمة، والفراخ، والسمك دي بتساعد على التخلص من حالة الإحباط تمامًا. بس حاسب ييجي ليك إحباط في جيبك.. وعندك كمان واحد آيس كريم متلج يخليك تنسى يعني إيه إحباط أصلاً.. والبطاطا المهروسة مالهاش حل.. ادِّيها بطاطا، وإنت تبقى كويس..

شكراا يا ابو سمرة علي الرد

شكراا ياسمين و خلي الايس كريم عليا انا

اكييد لو احنا مش موسم البطاطا هنبقي في موسم الكوسي

لقد اصبت يا اخي عين الحقيقه ومشكور جدا علي هذا الكلام الطيب

مشكووور علي الردووود