سؤال ينتابنى منذ فتره ولكن لا اجد الحل

السلام عليكم انا هاكون اول واحد ارد عليك باذن الله


والله يوائل انت اعز الاصدقاء ليه وان كنت غلطت في حقك ياعم حقك عليا انت عارف اني عمري ما هخسرك مهما كان ان شاء الله

وانا بقولك ان السبب في انك كل ما تقرب انت وواحد من بعض كلما قربت النهايه

لان كل ماتقرب انت وصدبق مع بعض للاسف فيه ناس مش بتحب كده وبتحاول انها تدمر الصحبيه دي سواء بالكدب او تفتن او يحصل موضوع صغير بينك وبين صاحبك المقرب فايحاولوا ان هما يزودوا الموضوع اشتعالا لكي تنتهي الصداقه بينهم


بس للاسف فيه ناس بعد ماتروح تصالحها تقلب عليك اكتر وكانك رايح تتمسح فيه وهو انسان ميستهلش وانت مثلا كنت عاوز بس ترجع العلاقه تاني بينك وبينه


وشكرااا لك ياحبي علي موضوعك

طبعا يا علاء انتا عارف معزتك عندى


وعمرى فى يوم مازعلت منك ولا هزعل منك

ياعم وان كنت انا زعلتك فى حاجه سامحنى بقى

بس انا عمرى ماهزعلك

انتا رايك بتقول يعنى ان الناس هيا السبب فى اللى بيحصل ده

مشكور على رايك

مكنشى ليها لازمه الحته الاخيره دى

كامل حبيبى عمرى ماهخسرك او هزعل معاك انتا اخويا الصغير وهتفضل كده للابد



وجامده اوى حته الفتنه

مشكور على ردك

ماشى يا بدوى


شكرا على مرورك بس رد بجد شويه انا بحاول اجمع اقتراحات

بسم اللة الرحمن الرحيم

أولا بقول مساء الخير لو حد دخل باليل وبقول صباح الخير لو حد دخل الصبح

وأنا بصراحة يا وائل مش عارف أقولك اية فى الموضوع الكبير اللى انت عارضة دة بس هقولك كلمتين (الباب اللى يجيلك منة الريح سدة واستريح ) ودة بخصوص موضوع الكلام اللى بيتقال وبيتنقل بين الناس وأنا واللة يا وائل معرفش الموضوع بتاعك دة بخصوص مين أنا ممكن عارف الشخص الألو انما التانى أنا بجد مش عارف ودماغى شتت من الافكار وهقولك حاجة كمان لو انتوا صحيح اصحاب واكتر من الاخوات يبقى لازم واحد فيكم يتنازل ويروح يكلم التانى ويفهمة اية اللى حصل انما هى المشكلة الوحيدة اللى بتحصل بين الشباب وهى اية (العند ) اتنين اصحاب واخوات يحصل بينهم حاجة صغيرة مش مستاهلة يقوموا مقاطعين بعض بسبب اية العند الاولانى يقول ازاى اروح اكلمة بعد اللى عملة واللى عملة والتانى يقول لا يمكن ومينفعش لحد ما الايام تعدى ويلاقوا بعضهم كل واحد فى وادى والدنيا خادتهم من بعض فلية انتوا توصلوا للدرجة دى من بعض واتمنى الشخص اللى وائل بتكلم عنة دة يكون موجود على المنتدى ويشوف ردى و ياريت يا وائل تكون فهمت كلام اخوك الصغير وياريت يكون حلى عجبك

كلامك اكيد عجبنى يا شحات بس انا عاوز اقولك حاجه


انا والله ماعالض الموضوع ده علشان تفكر مين الشخص ولا اتعبك معايا

انا اسف انى تعبتك معايا

بس انا كنت عاوز اناقش المشكله التانيه

اتمنى اشوف ردك على المشكله وصاحبى اكيد هكلمه

ميرسى على ردك الرائع وتسامحك

ماشى يا عمرو كل مانقرب لبعض كل مايزيد الاشتياق بس انتا كده بره الموضوع


انا بسال ايه السبب بس

معلشى عمرو رد

انا شايف ان كله مبيردش على السؤال بس بيعلق على كلمه معينه

رجاء الرد على السؤال وقراءه الموضوع جيدا

وتحياتى لكم جميعا

و الله السؤال محير جدا
يعني ده مش بيحصل مع الناس كلها يعني مش حاجه عامه
هوه بيحصل بس مش على طول
بس انا ما يتهيئليش انها ممكن تحصل مع اصحاب بجد
يعني ازاي حد تكون بتحبه جدا و مؤتمنه على اسرارك و انتوا متفاهمين جدا
و بعد كده في الاخر تبعدوا عن بعض مثلا
يعني ده يبقى انكم ما كنتوش اصحاب بجد اصلا
و العيب مش من حد معين يعني منقدرش نحكم على حاجه زي كده بشكل عام
كل علاقه بين اتنين بيكون ليها ظروفهها

بس في الاخر بالنسبه ليا
ان مهما كانت المشكله بين اي اتيني قريبين من بعض لدرجه كبيره و بيحبوا بعض اوي
مافيش حاجه في الدنيا تقدر تقف بينهم او تبعدهم عن بعض
لان علاقه الناس ببعضيهم دي زي العماره الكبيره اوي
لو كان اساسهها سليم و متين تقدر تقاوم الزلازل و تعيش لسنين كتيره

[size=29] والله انا شايف ان قلت الاصل اليومين دول موجوده

كل سنة وحضرتك طيب ياستاذ وائل ورمضان كريم بص هقولك اللى بيفسد علاقة الصداقة اى زميل او حد عادى حاقد عليكم ودى حصلت معايا بجد وهحكيلك انا الحمد لله عندى صديقتى من الابتدائى واحنا مع بعض على طول والله كده تؤام والله المهم فى واحدة دخلت وقالت لنا انا فى مشكلة عاوزاكم تحلوهالى وشوية شوية دخلت وسطنا يعنى كانت بتمشى معانا تقعد معانا وبدات تتكلم بكل واحدة على انفراد وتعيب فى كل واحدة من وراها فطبعا رحت وصارحت صحبتى وقالتلى هى برده قالت نفس الكلام فعرفنا انها حقودة وحسدت علينا ومن يومها ممنوع حد يدخل وسطنا لان زى مابيقولوا مفيس سر بيكون اكتر من اتنين لان لو 3 اصحاب لازم اتنين هايميلوا لبعض اكتر من التانى وكمان حاجة انا ايه اللى يخلينى انهى صداقتى بيها احنا خلاص فاهمين بعض كان احنا مرايا وقصاد بعضها كده انما هى لو صديقتى دى انسانة خاينة بتطلع اسرارى او انسانة ليها سمعة مش كويسة بالتاكيد هتضرنى لان انا ماشية معاها واكيد هتقنعنى بافكارها يعنى تعالى نلبس ضيق تعالى نكلم ده ونعمل ده فلازم طبعا اختار واحدة صح فيها صفات محبوبة محترمة امينة خلوقة بنت ناس بتحبنى وبحترمنى والكلام ده وبجد انا اسفة مووت انى طولت عليكم اوى كده بس والله مهما اكتبلك فى الموضوع ده الكلام مش هايخلص لان صديقتى دى اغلى حاجة فى حياتى تقبلوا اسفى واعتذارى لحضراتكم شكرا على الموضوع الجميل ده