الزواج العرفى اخطر ما يواجه شباب اليوم

ده طبعا اول موضوع ليا بعد الاشراف على المنتدى ده


ونا وعدت بالمزيد

اول موضوع فكرت اكلمكم عنه هوا الزواج العرفى

انا شايف ان دى اخطر مشكله لاى شاب وفتاه فى سن المراهقه

طبعا الكلام مش هيخلص بس انا اخترت انى اتكلم عن نقطه واحده بس فى الزواج العرفى :

_بالنسبه للشباب : لو واحده جميله جدا فائقه الجمال يعنى عرضت عليك الموضوع ايه ردك ,هل ممكن تفكر فى الموضوع ؟ هترفض علطول؟ هتوافق اسرع من البرق؟

_بالنسبه للفتيات: واحد فيه كل مواصفات فتى الاحلام (يعنى فتى احلامك ) بتحبيه موت , مره واحده عرض عليكى الموضوع لاحظى انك بتموتى فيه وهوا كمان بيموت فيكى (فرضا) ايه ردك,
هتفكرى ؟ هترفضى عطول ؟ هتوافقى ؟

ياريت كله يرد رد مقنع ويختار اجابته ويقول اختارها ليه

مستنى ردودكم وبوعدكم بالمزيد

انا مرديتشى اتكلم عن راينا فى الزواج العرفى لانى عارف ان كله هيرفضه بس ياريت نفكر شويه قبل الرد وعاوز مصارحه مع النفس

اكيد ردك عجبنى واقنعنى


ونا عارف ان الردود مش هتكون واقعيه

بس انتا رديت بكل قوه

ربنا معاك

وميرسى على مرورك

وبتمنى من اى حد يمر ميقولشى نفس الكلام المهم انى اقتنع برايك حتى لو مكنتش صادق معايا

انا مش حاطط الموضوع علشان صدقك معايا انا انا حاطه علشان تفكر فيه مع نفسك

يلا مستنيكم وشكرى وتقديرى للشحات

لا تمام والله ردك جامد


انتا وضحت حاجه مهمه جدا

ان اللى بيحب حد بيخاف عليه مش يحطه فى مواقف زى دى

مشكور على ردك الجميل ومستنى اللى بعده

الاول الف شكر لحبيب قلبى وصحبى واخويا الاستاذ وائل اظن ياجماعه ان وائل تطرق الى احد اهم المواضيع الى شاغله الشباب اليومين دول وميرسى كتير ليه وعموما انا بستفيد كل يوم من مواضيع وائل لاءنها مواضيع فى غايه الاهميه


اما بالنسبه الى ردى على الجواز العرفى فاءنى اعترف بيه بس فى حلات ان يكون ابوها مكفرنى واترفدت كذا مره ومفيش حل غيره فانا لو فى الوضع ده انا لومكان اى حد اعمله

بس برضه منتجاهلش ان الجواز العرفى فى نظر الشرع جواز لايجوز ويعتبر على سبيل المتعه

واعتقد ومش بس اعتقاد ان الجواز العرفى مبينفعش وبيبقا كله مشاكل




بس لو انا علطول يامان مضيعش وقت .......... بس المهم ان تكون البنت دى فيها الموصفات الى انا عاوزها وكمان تكون غنيه علشان اتدلع


ههههههههههههههههههههههههههههههههههههههه
مساء الجازولين النقى ياوائووووووووووووووووووووووووووووول

ده بيرجع لعدة عوامل البيت ثم البيت ثم البيت التربية الأسرية هل البيت مفكك ولا مستقر غالبا ما نجد بنات تواقف على الزواج العرفى من وجهة نظرهم وسيلة للإستقرار بالعكس دا وسيلة للهروب أنا عن نفسى مش هوافق لأنه أولا لو بيحبنى مش ممكن يرضى يخلينى أعمل حاجة فى الضلمة وكلنا عارفين إن اللى بيتولد فى الضلمة بيموت فيها وعمره ما هيشوف النور إزاى واحد يحبنى يرضى لى بالوضع السخيف مهما كانت ظروفه ثانيا دا يعتبر سرقة ويلغى مصداقية الزواج لأنه سرى وشرط الزواج العلانيةوالإشهار يعنى لازم الناس تعرف ويبقى فيه بيت وحياة والناس كلها تعرف غير كدة يبقى لعب عيال مهما كالنت درجة الحب

انا شايف كله رافض الا العفريت


انا عاوز صراحه مع النفس

العفريت قال اللى هوا ممكن يعمله ونا مش عاوز اعتراض على الجواز العرفى لان ده امر مفروغ منه وياما اتكلمنا فيه مع ناس كتير

كونوا صريحين مع انفسكم ونا عن نفسى اى رد كفايه زيارتكم للموضوع منورنى والله

بس لازم تفكر مع نفسك او تفكرى ميت مره فى الموضوع ده لو عرض عليك ايه الرد

الرد ده ليك مش ليا

بس ميرسى على ردودكم المتوقعه

ياجماعة لازم نفصل بين الحب والكلام ده يعنى ايه انا احب واحد اعمل حاجة تغضب ربنا ده بدل ماعينه على طاعته اقوم اساعده على المعصية ومش كل حاجة تبقى غلط نبررها بالحب حب ايه ده اللى يخلينى اغضب ربنا وافرض مت اقابل ربنا ازاى اقوله اصل انا بحبه اوى ده طبعا مينفعش خالص وكمان مفيش بنت ((((محترمة))))تتجوز من ورا اهلها وبدون علم الناس زى الحرامية بالظبط يعنى اللى تعمل حاجة زى دى يبقا حيائها منتزع منها لان البنت ماهى الا حياء وسمعة طيبة لان الاول والاخر يقولوا ده ولد ومش عليه العيب ولا غلط انما طبعا اللوم كله موجه للبنت وشكرا ليك انك حطيت موضوع مهم زى ده

فعلا والله يا أستاذ وائل دى مشكله جامده جداااااا ودى اسبابها معروفه ممكنتكون البيت والتربيه الاسريه

مشكورين على مروركم الطيب


منور يا اهلاوى لاول مره تزورنا

انا نسيت اقول ردى هيبقى ايه لو عرض عيا؟

انتظرونا الاجابه فى العدد القادم

مشكور ميدو على مرورك


ومشكور اكتر على رايك

بس انتا مقلتش ايه ردك لو اتعرض عليك الموضوع شخصيا ؟