حكاية صيدلى مع الدكتور ميزو........

بسم اللة الرحمن الرحيم
من راى انى اسمى القصة دى بلاء الصيادلة

الدكتور ميزو
النشاط الصيفي الطبيعي لأي طالب يحترم نفسه في كلية الصيدلة، هو أن يذهب للتمرين في أي صيدلية، أما بالنسبة لشخص مثلي (لا يعرف لماذا التحق بكلية الصيدلة دون سواها) فلم أكن أجد سبباً مقنعاً يدعوني لإضاعة الإجازة للوقوف في صيدلية، وخاصة أن التمرين في الصيدليات يكون دون أي مقابل، من الآخر لقيت إن الحكاية مش طالبة، وخاصة لأنني أهتم بدروسي في الكلية، فالأمر لن يكون صعباً (كما كنت أعتقد)..

أما الذي جعلني أغير رأيي في موضوع التدريب فهو أنني اكتشفت أن السنة الدراسية القادمة ستكون السنة الأخيرة لي في الكلية (إن شاء الله يعني)، وهذا ببساطة يعني أنني سأتخرج دون أن أعرف الفرق بين شكل قرص الأسبرين واى نوع تانى

لذلك وجدت نفسي أتصل برعب ببعض معارفي، وتوسط لي أحدهم مشكوراً عند الدكتور "محسن خشبة" الذي يمتلك سلسلة من الصيدليات. مكدبتش خبر، وذهبت بالفعل للقاء الدكتور "خشبة" في إحدى صيدلياته بمنطقة الوراق..

عندما دخلت الصيدلية العتيقة شممت الرائحة اللعينة التي تميز كل الصيدليات والتي لا أعرف لها مصدراً حتى الآن، (ريحة الأدوية) كما يسميها بعض الزملاء، و(ريحة المرض) كما أسميها أنا..

رحب بي الدكتور "خشبة" بحرارة شديدة، قبل أن ينادي أحد الأشخاص من معمل الصيدلية (حجرة الأسرار) ويعرفني عليه:
- الدكتور ميزو هو اللي هيتولى تدريبك بإذن الله..
(تعجبت قليلاً من أن يكون اسم الذي سيقوم بتدريبي هو ميزو.. ما علينا.. مش مشكلتي على أية حال)
بفخر شديد تابع الدكتور "خشبة":
- ميزو دبلوم صنايع صحيح.. بس إيه.. يفهم أحسن من أجدعها صيدلي..
بعد أن اطمأن الدكتور "خشبة" أن كل شيء على ما يرام، استأذن عشان يشق على بقية الصيدليات (عرفت فيما بعد أن ميزو هو المدير الفعلي للصيدلية)، و لم ينس الدكتور "خشبة" أن يوصي ميزو:
- مش هوصيك بقى يا ميزو.. فهمه الليلة كويس..
- بس كده.. من عيني يا دوك..

تخشبت بغباء بعد أن خرج الدكتور "خشبة" من الصيدلية، وكانت الفكرة المسيطرة علي هي أنني اتبَعَت بعتة سودة في الحوار ده..
بسرعة شديدة خرجت من الصيدلية، فوجدت الدكتور "خشبة" يستعد للانصراف بسيارته ذات الدفع الرباعي..
- متأكد يا دكتور إن الأخ ميزو ده هو اللي هيدربني..
بثقة قال الدكتور "خشبة":
-يا ابني أنا اخترتلك الصيدلية دي بالذات عشان فيها ميزو، ما أنا كنت ممكن أوديك أي صيدلية تانية، و أخلي أي صيدلي يدّرَبَك.. صمت قليلاً ثم أضاف بحزم: وبعدين ما تقلقش.. أنا شخصياً اللي دربني على الشغلانة دي كان واحد معاه دبلوم صنايع..

الدرس الأول

أخذ الدكتور ميزو نفساً عميقاً ثم قال:
أول حاجة لازم تتعلمها عشان تبقى صيدلي ناجح إنك تنسى كلمة (معرفش)..
إياك في يوم تقول لحد جه يسألك عن أي حاجة إنك ماتعرفهاش، حتى لو كنت أول مرة تسمع عنها..
- أفتي يعني وأضيع الناس؟
قال ميزو بنفاذ صبر:
ما البلد كلها بتفتي، وبعدين أنا مقلتلكش تضيع الناس، إنت هتخليك في السليم، يعني لو واحد جه وسألك عن حاجة متعرفهاش، إديله أي دوا من الأدوية اللي لا بتفيد ولا بتضر، مشي نفسك يعني ومتوقفش المراكب السايرة..

لم أقتنع بكلام الأسطى ميزو طبعاً، لأنني كنت أعتقد أن وظيفة الصيدلي في الصيدلية هي صرف الروشتة التي يكتبها الطبيب وتوضيح طريقة استخدام الدواء أو آثاره الجانبية للمريض، ولا أكثر من ذلك و لا أقل..

بس المشكلة إن الحياة (زي ما هنشوف بعد كده) مطلعتش وردية زي ما أنا كنت فاكر ..

وحسبى الله ونعم الوكيل

حكاية صيدلى مع الدكتور ميزو........ 483871

حكاية صيدلى مع الدكتور ميزو........ 483871

أولا

دكتورة على الموضوع

وطبعا أنا مش مع الأصطى ميزو نهائى لأن طبعا المهنة دى قبل ماتكون مهنة تجارة وبيع وشراء

فهى مهنة انسانية , والصيدلى هو اللى بتعامل مباشرة مع المريض , بمعنى ان لما نقف فى صيدلية مش معناه ان كل اللى علينا ان احنا نبيع وخلاص ............. بالطبع لا ,,,,,, وان كان دا الموجود الأن ,,,,, بس ان شاء الله هتتغير المعاملة والحكاية دى بالأجيال القادمة

انما من ناحية التدرب أساسا فأنا شايف انه مهم جدا من التدريب من أول أجازة

وممكن فعلا يكون أول مرة وثانى مرة بدون مقابل لكن لو أنتى أثبتى امكانيتك فى الصيدلية أكيد هيبقى فى مقابل

ودا عن تجربة شخصية ...... ومن ناحية أخرى أهم حاجة طيلة فترة الدراسة إننا نتعلم ونستفيد ونسأل منتحرجش إنما لما نتخرج دا اللى يبقى محرج لما نسأل

لا أيه رأيك يا د/ سما فى الرأى دا

وان شاء الله منتظر تعليقك على الرد

تحياتى

PH/MIMO

الأسطى ميزو شغال وبيقول سيبها لله هاهاهاهاهاهاهاهاهااه حكاية صيدلى مع الدكتور ميزو........ 73230

بصرااااااااااحة الموضوع ده كبير بيمثل مكانة كل الصيادلة

لأن بالطريقة دية الواحد يروح دبلوم ولا معهد ويبقى زى الدكتور ميزو

بس فى بشرى لكل الصيادلة _يارب تكون صح أن قرأتها فى الكلية بس مش متأكد_
إنه هيطبق برنامج الصيدلة الاكلنيكية من السنه الجاية
وبكده ترجع للصيادلة مكانتهم

ومشكووووورة دكتوووورة سما

فعلا ده الي بيحصل بس بالنسبة ليك يامحمود بتقول هتتغير علي يد الاجيال القادمه
ماهي المشكلة ان لما انتم بتروحوا تدربوا في الصيدليات من دلوقتي الدكاترة والناس
الي واقفه الايام دي بتهد عليكو وتشربوا الصنعه منهم

ومشكور علي الموضوع ده د/سما
واقول ياحسرة علي حال الصيادلة الايام دي
واقول كلمه اخيره لما يحصل كل ده يبقي انت اكيد في مصر

انت عندك حق يا dr.mimoبس اكيد قريب هتترد لنا مكانتنا بتطبيق الصيدلة الاكلينكية زى ما قال dr.midoبس هل الناس هتتقبل الفكرة دى

بصراحة أحسن حاجة نسيب كلام الناس

كلام الناس ولا بقدم ولا بأخر

كل مجال حلو بس أهم حاجة اللى يثبت نفسه

فيه فعلا نماذج سيئة كتيرة فى مجتمعنا المصرى لكن فى النهاية هنقول إن كل مهنة بيحكمها الضمير وربنا يستر

شكرا لكى على غيرتك الشديدة على مهنتك السامية ولكن لى تعليق بسيط على سبيل النصيحة
1-اشتغال الناس بالمهن السامية ليس عيبا فى المهنة ولكن رفعة لهم
2-كلما زاد عدد الافراد المشتغلين بمهنت الدواء نقول عدد الافراد المحترمين زاد
3-هناك فرق كبير بين الصيدلى واى شخص مهتم بعلم الدواء من حيث الفنيات التى تميزالمتخصص عن الهواة مثل معرفة المواد الفعالة والتداخلات بينهم وبعض الامور الطارئة مثل حدوث حساسية من اى دواء
4-المهم للصيدلى المحب لمهنتة الا يترك نفسه مثل اى شخص من حيث المعلومات الطبية ولكن يهتم بتخصصه حتى يصل لدرجة الاحتراف والاتقان والا فالعيب عنده هو وليس عند الدكتور ميزو

بصراحه قصه جميله ومواضيعك اجمل