ميمو يعترف

موضوع: ميمو يعترف الجمعة 24 أغسطس 2007, 10:59 am

ضيف الجلسة الأولى لكرسى الإعتراف هو دكتور ميمو المدير العام للمنتدى ده

لو سمحت يا دوووووووك إسترح على كرسى الإعتراف قليلاً
وأجب على أسئلة الاعضاء الكرام

إسمحلى يا دوووووك إنى أوجهلك أول مجموعة اسئلة

الأسئلة كتير شوية معلش

1- إسمك بالكامل

2-سنك وهواياتك

3-الكلية اللى إنت فيها _معلش الأعضاء ميعرفوش _ وهل إنت بتحب كليتك ولا دخلها عشان التنسيق وخلاص ؟

4- افضل مراحل الحياة لديك ماهى ؟؟؟؟

5- موقف مفرح ..... موقف محزن ........ موقف محرج ......... هل حدثت معك هذه المواقف ان حدثت اذكرها لنا ؟؟؟؟

6- والديك ........ ماذا يعنى لك ؟؟؟؟؟ اخوك واختك ..... ماذا يعنى لك ؟؟؟؟؟ صديقك ...... ؟؟؟

7- لديك 5 وردات لمن تهديهم ؟؟؟؟؟

8- كلمة منك نلتمس بها خير لكل من هو
عضو بالمنتدى

9-- لديك ورقة وقلم ........... ماذا تكتب ؟؟؟؟؟؟

10-- لو إنت بقيت رئيس الجمهورية إيه أول قرار هتعمله ؟

11- ماذا تحلم أن تكون ؟

12- ما رأيك بتعريب الكليات اللى بتدرس بالإنجليزى ؟

وكفاية كده

الساده الاعضاء الكرام
تفضلو بسؤال ضيف الاسبوع
نحن بالانتظار

وهوه بإذن الله هيجاوب

موضوع: رد: ميمو يعترف الجمعة 24 أغسطس 2007, 2:16 pm

السلام عليكم ورحمة الله وبركاته

من هنا اعضاءنا الكرام أعلن موافقتى على الجلوس على كرسى الاعتراف

وأوعدكم أنى سأكون صادق معكم فى الإجابة على الأسئلة

بس ياريت لو حد عنده أسئلة كتير يوزعها على مرات ميحطهاش فى مرة واحدة

وان شاء الله هجاوب على أسئلة د/ميدو فى الرد القادم

ادعو لى بالتوفيق ولا تحرجونى أرجوكم

أخوكم/محمود

موضوع: رد: ميمو يعترف الجمعة 24 أغسطس 2007, 2:57 pm

DR / MIDOO كتب:: 1- إسمك بالكامل
2-سنك وهواياتك
3-الكلية اللى إنت فيها _معلش الأعضاء ميعرفوش _ وهل إنت بتحب كليتك ولا دخلها عشان التنسيق وخلاص ؟
4- افضل مراحل الحياة لديك ماهى ؟؟؟؟
5- موقف مفرح ..... موقف محزن ........ موقف محرج ......... هل حدثت معك هذه المواقف ان حدثت اذكرها لنا ؟؟؟؟

6- والديك ........ ماذا يعنى لك ؟؟؟؟؟ اخوك واختك ..... ماذا يعنى لك ؟؟؟؟؟ صديقك ...... ؟؟؟

7- لديك 5 وردات لمن تهديهم ؟؟؟؟؟

8- كلمة منك نلتمس بها خير لكل من هو
عضو بالمنتدى
9-- لديك ورقة وقلم ........... ماذا تكتب ؟؟؟؟؟؟
10-- لو إنت بقيت رئيس الجمهورية إيه أول قرار هتعمله ؟
11- ماذا تحلم أن تكون ؟
12- ما رأيك بتعريب الكليات اللى بتدرس بالإنجليزى ؟

[/size]

1- محمود رجب عبد المقصود

2-سنى19,5 وهواينى تصفح الانترنت وقراءة المعلومات الطبية

3-كلية الصيدلة - بحب كليتى جدا - وكانت رغبتى من ثانوية عامه انى ادخل كلية الصيدلة

4-افضل مراحل الحياة بالنسبة ليا هى حياة الثانوية العامة والحياة الجامعية

5-أكيد حدثت المواقف دى معايا بس كتير وانا بردة هزكر موقف واحد ان شاء الله

أ/اكتر موقف فرحت بية هو موقف نتيجة الثانوية العامة بمرحلتيها

كانت الفرحة كبييرة جداااااااااااا

ب/المواقف المحزنة كتير أخرها ان عرفت انفى شخص للأسف خانى وحاول يوقع بينى وبينناس بعزهم جدا

بس الحمد لله فشل فى محاولته دى

ج/موقف محرج كتير بردة منها انى لما لما اكون متفق مع واحد على ميعاد وأتأخر عليه أو مرحش ببقى محرج انى أقابلة .

6-تعنى هذه الكلمات لى الكثير

أ/ يكفينى فخرا بهم أن الله قد أمرنى بطاعتهما

ب/أخى وأخواتى يعلم الله أنى أحبهم جدا واتمنى ان احنا نظل فى علاقة طيبة الى مدى الحياة بمعنى ان محدش يأثر على علاقتنا مثل زوج أو زوجة أوغيره

ج/أما عن الصديق فالكلام كثير المعارف والزمايل كثيرون ولكن قل ان نجد الصديق الحق

ولكنى قد وجدت بالفعل الصديق الحق ونتعامل كأخوة ليس كأصدقاء

ولو أنى أخشى زعل بعض الأعضاء لذكرت اسم حبيبى وصديقى وأخى

7-أهدى وردة لوالدى

,وثانية لأخى

وثالثة لأخواتى البنات

والرابعة والخامسه للأعضاء كلهم

حبابيى وكلهم فى الله

8-اتمنى من حبايبى ان كل واحد يحقق هدفة وأمنيته فى الحياة ولو أى حد محتاج أى مساعدة من أى حد فى المنتدى يطلبها

واحنا هنا أسرة واحدة أهم حاجة عندنا مصلحتة الأخرين , وكما ذكرت من قبل أننا لم ننشئ هذا المنتدى لتضيع الوقت لكن ليكون هداف.............

9- انا مش عارف أنت تقصد أيه بس لو معايا ورقة وفلم معرفش هكتب أيه بالظبط

هتبقى حسب المزاج وحسب الحالة النفسية

10- أول قرار هعملة هو قرار استقالتى

11- أحلم أن أكون صيدلى بارع فى مجال الأدوية وتحلبلها واكتشاف دواء جديد لداء كبير

حتى أفيد المسلمين والإسلام

12-الموضوع دا يمكن أكون فكرت فيه أول مادخلت الكلية

بس دلوقتى لا أوافق على تعريبها .....

اتمنى انى أكون جاوبت على الأسئلة برد مقنع

وردود ى كلها صادقة ان شاء الله

تحياتى

وفى انتظار المزيد

موضوع: رد: ميمو يعترف الجمعة 24 أغسطس 2007, 5:22 pm

انا عندي سؤال يا محمود

اممممممممممم

ايه الحاجه اللي مش عايز حد يعرفها عنك؟؟؟؟؟

و ليه؟؟؟؟؟؟؟؟؟

سؤال واحد بس اهه

يالا رد بسرعه

عشان للحديث بقيه

موضوع: رد: ميمو يعترف السبت 25 أغسطس 2007, 2:00 am

جهز نفسك يا ميمو علشان بحوشلك شوية اسئلة فى الجول....

موضوع: رد: ميمو يعترف السبت 25 أغسطس 2007, 2:12 am

انت فين يا دكتور

رد على السؤال خلينا نكمل اسئله

موضوع: رد: ميمو يعترف السبت 25 أغسطس 2007, 2:20 am

yasmine كتب:: ايه الحاجه اللي مش عايز حد يعرفها عنك؟؟؟؟؟
و ليه؟؟؟؟؟؟؟؟؟
سؤال واحد بس اهه
يالا رد بسرعه

والله بجدر أنت سؤالك سؤال جامد وزكى جدا

بس أنا ازاى أجاوب عليه هو اساسا دى حاجات مش عاوز حد يعرفها يبقى ازاى أذكرها

ليه بقى ___ لأنها حاجات بتبقى خاصة وممكن تبقى محرجة

وشكرا على السؤال وفى انتظار المزيد

موضوع: رد: ميمو يعترف السبت 25 أغسطس 2007, 2:23 am

اوكيه يا محمود

السؤال التاني :

اوصفلنا شخصيتك من وجهه نظرك

الوحش و الحلو

و بصراحه طبعا

موضوع: رد: ميمو يعترف الأحد 26 أغسطس 2007, 12:02 am

أولا انا بعتذر على تأخير الرد

لأن النت فصل وانا كنت بكتبة بالنهار

المهم

انا عاوز أقول ان أسئلتك ياياسمين صعبة ومحيرة جداجداجدا

وانا قاعد بعصر دماغى عشان أطلع كل الإيجابيات والسلبيات وطبعا معرفتش أطلعها كلها

لأن مش انا اللى أقول أيه الحلو وأيه الوحش فيا دا اللى يحددة اللى انا بتعامل معاهم

ومع ذلك انا هقول من وجهة نظرى ايه اللى أنا شايفة وحش

1- عدم احترامى للمواعيد خصوصا مع أصحابى وهذا عيب كبــــــــير جدا واتمنى انى اظبط مواعيدى

2- تضيع الوقت فيما لايفيد

وانا خلاص معتش شايف حاجة بس دا مش معناه انه خلصت العيوب , بالطبع لا فالعيوب كثيرة ولكن كما ذكرت مش انا اللى أحددها ..........

ومن الحاجات اللى بتعجبنى فى شخصيتى

1- أنى طموح جدا

2- متفائل دائما

3-لا أخون صديق

وفى حاجات تانية بس دا اللى فى دماغى دلوقتى

ومشكووور ياسمين ومنتظر باقى الأسئلة

تحياتى

د/محمود

موضوع: رد: ميمو يعترف الأحد 26 أغسطس 2007, 12:15 am

ولا يهمك يا محمود

انا سألت السؤال يعني عادي مش صعب ولا حاجه

رحم الله ارؤ عرف قدر نفسه

صح؟؟

و ده كرسي الاعتراف يعني اسئلته صعبه

هفكر في سؤال سهل اهه

انت برج ايه ؟؟؟

و ايه مشروبك المفضل ؟؟

و اكلتك يالا

اسئله سهله اهه

موضوع: رد: ميمو يعترف الأحد 26 أغسطس 2007, 12:23 am

ماتقول ياعمونا انت بتحب تاكل ايه ومشروبك ايه
رد علي الاعضاء بسرعه
وانا ممتنع اني اسأل لاني الصراحه مش لاقي سؤال اسئله ومكنش عارف اجابته لاني تقريبا عارف كل حاجة انا عاوز اعرفها

موضوع: رد: ميمو يعترف الأحد 26 أغسطس 2007, 1:56 am

yasmine كتب:: انت برج ايه ؟؟؟
و ايه مشروبك المفضل ؟؟
و اكلتك يالا

1-أنا برج الحمل

2-العصائر عموما

3-الكشرى والمكرونة

موضوع: رد: ميمو يعترف الأحد 26 أغسطس 2007, 1:59 am

Dr/AMR كتب:: وانا ممتنع اني اسأل لاني الصراحه مش لاقي سؤال اسئله ومكنش عارف اجابته لاني تقريبا عارف كل حاجة انا عاوز اعرفها

والله يادكتور فعلا هو مافيش حاجة تخصنى أنت متعرفهاش

وانا يشرفنى تواجدك معانا ياغالى

موضوع: رد: ميمو يعترف الأحد 26 أغسطس 2007, 7:52 am

انا مش هتقل عليك يا حبى

اكتر عضو بتحبة واكتر مشرف بتحبة ومين من الاعضاء والمشرفين مابتحبهمش؟

ايه شعورك وانت على كرسي الاعتراف ؟

مين اقرب انسان لك لما تحسن انك مضايق تلجألة ؟؟

موضوع: رد: ميمو يعترف الأحد 26 أغسطس 2007, 1:35 pm

alsa7er كتب:: اكتر عضو بتحبة واكتر مشرف بتحبة ومين من الاعضاء والمشرفين مابتحبهمش؟
ايه شعورك وانت على كرسي الاعتراف ؟

مين اقرب انسان لك لما تحسن انك مضايق تلجألة ؟؟

1-أنا والله فعلا بحب كل الأعضاء والمشرفين اللى أعرفهم شخصيا واللى معرفهمش

ومافيش حد مبحبوش

2-بصراحة أنا بشعر بالقلق لأنى خايف من أى أسئلة محرجة

بس فى نفس الوقت ببقى سعيد وانا بجاوب على الأسئلة

3-صديق لى

موضوع: رد: ميمو يعترف الأحد 26 أغسطس 2007, 2:23 pm

بسم الله الرحمن الرحيم
سؤال كدة على الماشى وهرجع تانى
مين الصديق لك دة ممكن تقول اسمة؟؟

موضوع: رد: ميمو يعترف الأحد 26 أغسطس 2007, 2:31 pm

صديقى هو

د/ عمرو

وأنا تحت أمرك يا هندسة فى أى سؤال تانى

موضوع: رد: ميمو يعترف الأحد 26 أغسطس 2007, 2:42 pm

شكرا على سرعة ردك للاسئلة
ممكن تشرحلنا ببساطة مراحل حياتك؟؟؟
ومين اكتر اصدقاء لك فى كل مرحلة؟؟؟
وما هى حالتك النفسية فى كل مرحلة ؟؟؟؟؟
وماهى اكتر مرحلة حبتها ونفسك تعيش فيها علطول؟؟؟
واية اكتر حاجة غيرت مسار حياتك؟؟
وكفاية الاسئلة دى الوقتى نكمل بعد الرد

موضوع: رد: ميمو يعترف الإثنين 27 أغسطس 2007, 4:23 pm

إسمحلى يا دكتور ميمو إنى أسألك شوية أسئله بسيطة

1- هل أنت عصبى وسريع الغضب ؟

2- هل أنت إنطوائى أم إنبساطى ؟

3- هل تتوقع أن يصل أعضاء المنتدى إلى رقم قياسى ؟

4- من أقرب شخص إليك بإستثناء والديك ؟

5- ما لونك المفضل ؟ وما هو حيوانك المفضل ؟

abo_samra كتب:: شكرا على سرعة ردك للاسئلة
ممكن تشرحلنا ببساطة مراحل حياتك؟؟؟
ومين اكتر اصدقاء لك فى كل مرحلة؟؟؟
وما هى حالتك النفسية فى كل مرحلة ؟؟؟؟؟
وماهى اكتر مرحلة حبتها ونفسك تعيش فيها علطول؟؟؟
واية اكتر حاجة غيرت مسار حياتك؟؟
وكفاية الاسئلة دى الوقتى نكمل بعد الرد

السلام عليكم ورحمة الله وبركاته

أنا أولا بعتذر ياابو سمرة على التأخير

ود بسبب ظرو ف طارئة

المهم يلا انا هبدأ الإجابة

والله انا عايش من حوالى 19 سنة

ومن الصعب ان أذكر كل مرحلة لكن انت قلت ببساطة

وانا أولا كنت فى مدرسة ميت مزاح الأبتدائية وكان أصحابى هما اللى كانوا معايا فى الفصل كلهم

وكنت لسة طفل فكانت حالتى النفسية زى أى طقل بيعيش طفولته

وبعد كدة اتنقلت فى الإعدادية غلى مدرسة الملك الصالح

وهناك اتعرفت على ناس كتير بس اللى صاحبتهم هناك هما الى كانوا من بلدى

وكانت علاقتى بهم كويسة جدا

واتعرفت على شخصية اكن لها الإحترام وأحبها جدا

وهو واحد صاحبى

كنا بنروح المدرسة مع بعض وبنرجع مع بعض

وفى نفس الوقت لسه علاقتى جامدةمع الللى كانوا معايا فى الإبتدائى

كانوا معايا فى الدروس

وكان بيننا تليفونات

وعلى فكرة تحويلى للملك الكامل فرق معايا كتير من ناحية التفوق والمذاكرة

والفترة اللى بعد كدة كانت طبعا فترة الثانوية العامه

وانا كنت فى مدرسة الملك الكامل الثانوية للبنبن

ومن هان ممكن أقول انها بداية فترة تغير مسار حياتى

وفى الفترة دى اتعرفت على شخص فى البداية كانوا أصحابى بتوع بلدى بيقولوا علية كلام متير

مش فى حقة للأسف

يمكن كانوا عاوزنى أكره من قبل ماأشوفه

لكن لما قابلته واتعرفت عليه فى أحد الدروس

حبيته وربطنا ببعض علاقة وطيدة إلى الأن

وكانت من اجمل أيام حباتى هيا أيام الثانوية العامة خصوصا لأن علاقتى زادت بناس كتير منهم

السائل وغيرة ومنهم معانا على المنتدى ومنهم مش معانا

وطبعا دخلت كلية الصيدلة بعد الثانوية العامة وعن رغبة منى بذلك

ومن هنا أقدر أقول ان الحياة الجامعية هيا بالفعل اللى اتغير فيها مسار حياتى

وفى النهاية أتمنى إنى أكون مطولتش وانجزت فى اجابتى

ولك منى أخلص التحيات ابو سممرة

أخوك /محمود

ms / mnto كتب:: إسمحلى يا دكتور ميمو إنى أسألك شوية أسئله بسيطة
1- هل أنت عصبى وسريع الغضب ؟
2- هل أنت إنطوائى أم إنبساطى ؟
3- هل تتوقع أن يصل أعضاء المنتدى إلى رقم قياسى ؟
4- من أقرب شخص إليك بإستثناء والديك ؟
5- ما لونك المفضل ؟ وما هو حيوانك المفضل ؟

1- انا كنت عصبى بس الحمد لله فعلا اتغيرت وكمان بقيت بطيئ نوعا فى الغضب

2-انبساطى والحمد لله

3-اتوقع فعلا ان شاء الله

4-أخى

5-الأحمر .... نفسى أربى سلحفاة

وفى انتظار المزيد يامستر ان شاء الله

انا رجعت و معايا شويه اسئله تمااااااااام

اول سؤال

متى تظن انك ستقع في الحب؟؟

و هل عمرك حبيت قبل كده ؟؟؟؟

اخر حاجه

قولنا حاجه فيك بتحس انها حاجه غريبه

؟؟؟؟؟؟؟؟؟؟؟؟؟؟؟؟

في حاجه نسيت اقولها

لو في اي سؤال مش عايز ترد عليه

ما تردش

عادي بجد براحتك

عشان انا بحس ان اسئلتي غبيه شويه

yasmine كتب:: انا رجعت و معايا شويه اسئله تمااااااااام
اول سؤال
متى تظن انك ستقع في الحب؟؟
و هل عمرك حبيت قبل كده ؟؟؟؟
اخر حاجه
قولنا حاجه فيك بتحس انها حاجه غريبه
؟؟؟؟؟؟؟؟؟؟؟؟؟؟؟؟

1-السؤال الأول دا يتوقف على السؤال الثانى

يعنى انا لو كنت حبيبت يبقى خلاص وقعت فى الحب

ولو لسه محبتش يبقى دى حاجة أنا لا أتدخل فيها فهى متروكة للقدر

2- نعم

3-مش عارف بس انا معتقدش ان فيا حاجة شايف انها غربية

تحياتى:

DR/MIMO

yasmine كتب:: في حاجه نسيت اقولها
لو في اي سؤال مش عايز ترد عليه
ما تردش
عادي بجد براحتك
عشان انا بحس ان اسئلتي غبيه شويه

ولا يهمك ياعسل اسئلى براحتك وانا تحت أمرى

وبعدين عاوز الفت نظرك ان انا مصرحلى بعدم الإجابة على سؤال واحد طيلة الأسبوع

وانا تحت أمر أى عضو فى أى سؤال أخر