عندك مشكلة أو شكوي فى القسم .. ياريت كل أعضاء القسم تشارك

عندك مشكلة أو شكوي فى القسم .. ياريت كل أعضاء القسم تشارك 609239

طبعا يا جماعة من فترة بسيطة سمعنا عن المشاكل إللى حصلت فى المنتدي مع أحد الأعضاء وبدأت المشكلة صغيرة

وتصاعدت لدرجة السب والإهانة والطرد .. أكيد كلنا نعرف المشكلة دي وغيرها وغيرها فى الأقسام الأخرى

الإدارة طبعا مش معقولة كل إثنين يحصل بينهم مشاحنات يجروا على قسم الشكاوى ونزعل

إحنا يا جماعة بشر ولينا طاقتنا والإدارة هتفوق لإيه و إيه بس

فياريت الإدراة تكون أخر الحلول لو عجزنا نحل مشاكلنا هنا بنفسنا . وخصوصا إن كلمة الإدارة صارمة ولازم أحد أطراف المشكلة هيزعل منها .

أنا قلت المقدمة اللى فاتت لأنى حبيت ألقى الضوء على الأحداث اللى مر بها المنتدي ،

بالرغم من إنه لسه فى بداياته والمفترض إن المشاكل تكون بسيطة بالمقارنة بعدد الأعضاء حالياً

فلازم الموضوع ده مش يعدي وخلاص، بالعكس المفروض إننا كناس مثقفين نستفيد منه

إن شاء الله وبصفتى مشرف القسم حاليا أتمنى من كل قلبى إن أى مشكلة

سواء فى الردود ** أو حسيت إنك إتظلمت ** أو عندك سؤال ** أو كلمة مضيقاك**

أو محتاج مساعدة ** مش تتردد لحظة واحدة تعرضها هنا >> لكن بشرط إنها تكون خاصة

بالبرامج أوالسلوكيات بالقسم أوإسلوب التعامل بين الإعضاء أومشاكل قسم البرامج فقط

عشان مش نكون إتعدينا على حقوق الأقسام الأخرى بالمنتدي الخاصة بالمشاكل العامة ،

يعنى مثلا مش واحد يكون مريض ويعرض مرضه هنا مثلا

مرة تانية ياريت ورجاء تساعدونى فى الموضوع ده لأنى أتمنى إن قسم برامج الكمبيوتر والإنترنت

يكون القسم المثالى ، وخصوصا إنه يعتبر واجهة المنتدى بالكامل أمام إى زائر .

والأهم إنك تكون مهيأ نفسياً تدخل القسم بما إنك مش متضايق من أى شخص فيه

أو مش حاسس إن فيه مشكلة مضيقاك فى القسم أو إنك إتظلمت فيه

أكيد ده عامل كبير على إستيعابك وفهمك للموضوعات والتمعن فيها

وآخر نقطة أحب أقولها إن واجب على كل عضو إنه يدخل بصفة دورية على الموضوع ده ويتابع المشاكل

ويساهم فى حلها على قدر إستطاعته ويقترح حلول إن أمكن ونناقشها مع بعض ،وده مش كرم منك ولكنه حق عليك

إنته بتدخل القسم ويفيدك فواجب عليك تحافظ عليه من المشاكل بإنك تساهم فى حل مشاكل زملاءك

* * *
تحياتى لكم جميعاً

من الإدارة إلى المشرف لهذا القسم

تهنيك إدارة منتدى الفجر على هذا الإقتراح

وترحب بالشكاوى من الأعضاء

ولن نتدخل إلا بعد طلب منك شخصيا

فأنت المسئول والنائب عن الإدارة فى هذا القسم

شكرا دكتور ميمو على الثقة وأن شاء الله نأمل مش يكون فيه مشاكل
ونترك الإدارة تقوم بمهامها الأساسية فى تظبيط وتطوير المنتدي

ومهما حدث كلنا أسرة واحدة وأنا متأكد أن كل الأعضاء المشاركين معانا فى المنتدي بلا إستثناء
ناس محترمين ومثقفين وأسلويهم راقى وبيحافظوا على مشاعر بعض

عندك مشكلة أو شكوي فى القسم .. ياريت كل أعضاء القسم تشارك 73230

عندك مشكلة أو شكوي فى القسم .. ياريت كل أعضاء القسم تشارك 73230

شكرا يا باشا على المجهود ده وياريت نتعرف على بعض

أهلا بيك يا عبده
بالنسبة للتعارف تقدر تدخل قسم الترحيب والتعارف وإن شاء الله هتعرف معلومات وتتعرف على الأعضاء وأكيد كمان هيتعروفوا عليك

الف شكر يا وليد لانك فكرت فى حلول لمشاكل الاعضاء وانا من رأى ان كل واحد قادر انه يحل مشاكله بعيد عن الادارة وعن المشرفين لاننا مش تلامذة فى ابتدائى نشتكى للمدير او الاستاذ احنا كلها سنة او اتنين ونكون مسئولين عن اهلنا او مرضانا اوعملائنا
ياريت كل واحد يحط ده فى اعتباره queen