إعترافات د\عمرو حصريا فى منتدى الفجر

مفيش حد عاوز يسأل يلا مستنيكم جميعا

انا يا دكتور مش عارفه اسأل اقول ايه
خدوا كل الاسئله
بس اهه سؤال كده على الماشي
ايه الحاجه اللي بتعملها و تخليك تحس انك عمرو فعلا يعني بتحس في نفسك فيها
؟؟

yasmine كتب:

انا يا دكتور مش عارفه اسأل اقول ايه
خدوا كل الاسئله
بس اهه سؤال كده على الماشي
ايه الحاجه اللي بتعملها و تخليك تحس انك عمرو فعلا يعني بتحس في نفسك فيها
؟؟

اكيد فيه اسئله تانية كتير بس انتي ركزي وهاتي اسئلة كمان
وبالنسبة للحاجة الي بحس نفسي فيها هو اني العب في حاجات الكترونية واصلحها او العب فيها وخلاص واعرف
ايه الحاجة دي وعامله ازاي ولو صلحتها ببقي في منتهي السعاده لاني يعتبر صلحتها اجتهاد مني

انا مش هسأل اى حاجه لاخويا لانى عارف كل حاجه عنه.............

وسلام كبير لدكتور/ عمرو.........

انا عندي سؤال
ايه اللي بتحس انه جواك و حاجه انت على طول حاسس بيها بس بتحاول تبعد عنها؟؟
و ايه الكلمه اللي نفسك تقولها ؟؟مش شرط لشخص معين يعني كلمه عايز تقولها و خلاص
و اشمعني الكلمه دي؟؟
لو هتقول لنفسك حاجه عن حد هتقول ايه و عن مين؟؟
بس كده كفايه

DR / MIDOO كتب:

1- النسيان نعمة ماذا تتمنى أن تنسى ؟

2- حقيبة أسرارك من تسلمها ؟

3- متى تصل إلى قمة الغضب ؟

4- أصعب لحظه مرت عليك ؟

5- إيه أكتر شىء ممكن يغير الإنسان ؟

6- كم ساعة تقضى أمام النت ؟

7- هل تجامل أحد ؟

8- هل تعترف بالحب عن طريق النظرة الأولى ؟

9- من هى الفتاة التى تحبها الأن وهل هى مشتركه فى هذا المنتدى أم فى منتدى أخر وما إسم المنتدى ؟

10-ما ذا تعني لك هذه الكلمات .........

الأم
الأب
الأخ
الأخت
الزوج
الجار

بنت الجيران
الصديق والصديقة
الألم
الحب
المال
الناس
البحر
الليل
الشمس
البكاء
الطفل

القصة
الموسيقى
الرسم

11- ماهى أخر هدية إستلمتها من فتاة ومتى ؟

12- لو قدر لك الحج بإذن الله ماهي أول دعواتك عند رؤية الكعبة المشرفة؟

13- مارأيك في السياسة ..؟؟!!
14- عندما يواجهك سؤال صعب ومحرج كيف تتخلص منه
فهل تبادر بترك السؤال وكأنك ولا شفته ام تحاول الهروب منه وتقول اعتذر عن الاجابة ???

15- ما هو الروتين اليومى لعمرو اول ما يقوم من النوم حتى تنام؟
غ16 - ما هى السلبيات والايجابيات فى شخصيتك ؟

17--ما هو اكثر شيء تتمناه حاليا وتوقن بانك لا تستطيع تحقيقه؟
18-اذا استطعت ان تعود بالوقت للخلف ....ما هي الفتره التي تتمنى لو انك تحذفها؟......والفتره التي تتمنى لو انها ظلت عمرك كله؟
19- طبيعة الموضوعات التى تشدّك دائما , بخلاف الموضوعات الدينية طبعا ...؟؟؟

20- هو العضو الذى يشدّك دائما لقراءة كتاباته ؟

21- من هو العضو الأكثر إستفزازا فى رأيك ....؟؟؟

[/size]

1-قصة حب قديمة مع اني نسيتها خلاص
2-صديقين ليا اكيد عارفينهم
3-لما حد يشتغلني او ميحترمنيش
4-كنت تعبان السنة الي فاتت وحسيت اني بطلع في الروح
5-واحده يحبها
6-ساعتين
7-لا او قليل جدا جدا
8-ايوة
9-لا حاليا انا فاضي لو عندك حد قولي
10-السؤال ده اجاوبة لوحده في الاخر
11-مفيش هدايا بيني وبين فتاه بس قريب احتمال يكون فيه
12-انت عارف الدعوات كتير بس هدعي ان ربني يوفقني في حياتي وده بدعيه يوميا واحمده علي اي حاجة بيرزقني بيها خير كانت ام شر
13-تمام
14-لا اعتذر عن الاجابة
15-والله في الاجازة حاليا اقوم لو مصلتش الفجر اصلي الصبح او الصبح والظهر مع بعض احيانا
اكل اهم حاجة واشوف الناس الي شغاله عندنا لاننا بنبني وكده وبعدين اكل تاني واقعد ع النت وبالليل اخرج لاصحابي
او اروح العب كورة بالليل او اروح الصيدلية مع محمود رجب واجي اقعد ع النت شوية او اشوف فيلم اجنبي وانام وتعاد الكرة مرة اخري طبعا يختلف في الدراسة
16-السلبية الاكيده اني بتخنق بسرعه وبتضايق بسرعه ولما اضايق بطلع كلام ربنا مايوريك وبتنرفز جامد
وكمان ساعات كتير اوي بقول هعمل كذا وكذا وبعدين اكسل اوي وكمان اني جرئ جدا جدا
اكيد فيه كمان بس اصحابنا الي يقولوها
الايجابية بقي ممكن اكون طموح اوي وبعيش اوي في الي بطمح فيه وكمان اني بتحمل المسؤلية وكمان
اني شخصية اجتماعية اوي مرحه وبحب الناس وظاهر اني الناس بتحبني
17-اني اتجوز
18-والله زي ماقلت قبل كده انا بحب اعيشها كده وخلاص بس احب الفترات هي فترة اولي ثانوي او الثانوي عموما
والي مش بحبها 3 اعدادي
19-ومين قالك ان المواضيع الدينية بتشدني هههههههههه
انا بحب القصص المثيرة والاشعار والحاجات الجريئة
20-والله اكتر من عضو فيه سلام وكمان الزهراء وسما و ادفوكات بس هو اختفي
21-الي بيستفزني مفيش حاليا ممكن قدام تلاقي

حرام عليك طلعت روحي في الاسئلة بس مش مشكلة كل واحد له يوم

sendbad cairo كتب:

ازيك يا عمووووووووووووووووووور انت فين يابنى

عايزاعرف ؟؟
ايه المكان اللى دايما بتحنله مهما بعدت عنه ؟
وايه الموقف اللى كل ما تفتكره بتموت من الضحك؟
وايه المكان اللى نفسك تزوره جدا ؟

الحمد لله تمام
اكيد بيتي
مواقف كتير بس في اولي ثانوي
الاهرامات بس انت ظبطتني في الرحلة الي انت عملتهالي

انا عاوز اقول لياسمين حاجة بس ده مش هروب لاسلتها بس انا هجاوب برده
بس عاوز اعرفها حاجة المفروض السؤال لما يكون حاجة انا عارفها ده يبقي اعتراف
انما لما تجيبي سؤال اقعد افكر في اجابة دي تبقي مش اعتراف ده يبقي امتحان (فهماني)
مثلا تسألي اسمك ايه هقولك علي طول بعترف يعني
انما افكر وامخمخ في الاجابة ده تعب اعصاب

وانتظريني انا هجاوبك برده

شكرا يا عموووووووووووور على اجابات الجامده والجريئة
وانت والله كنت منورنا فى القاهرة وسيبت فراغ كبير بعدك ومستنيك تكررها لانك اخويا وصاحبى وحبيبى وواحد من العائلة

أذيك يا عمووووووور كل سنه وانت طيب

انا كنت مستنى لما العمل يهدى كده


دلوقتى انا جييييييييييت مستعد.................. يلا بينا

< 1> - صــف نفســـك بكلمتيـــن فقـــط..!

< 2> -مــاهــو الشــئ الذي ندمــت علــي عمـلــــه؟!؟

< 3> -كـلمـــة تمنيـــــت ان تسـتطيـــع سحـبهــــا؟!؟

< 4> -آخـــر شخـــص تتـــذكــــره قبـــل أن تنـــــام؟!؟

< 5> -جــريمــة تتمنـــي لـــو تستطيـــع ارتكابهــــا؟!؟

< 6> -حمـامة زاجـــل حاملـــة رســالة لـك,,,من من تتمنـى ان تكــون؟!؟

< 7> -شخـــص لطــالما حـــلمـــت بــــه؟!؟

< 8> -دمـعـــه انـذرفــــت رغـمــاً عنـــك؟!؟

< 9>-مـوقـــف صــدمــك ولــن تنســــاه؟!؟

<10> -شـخــص تتمنــي الإنتقــام منـــه؟!؟

<11> -شــئ او عمــل لا تستطيــع مســامحته؟!؟

<12> -شــئ او شخــص غيــّر مجــري حياتـــك؟!؟

<13> -حلم لا تستطيـــع تحقيقه؟!؟

<14> -كلمة تود سماعها كل يوم؟!؟

<15> -القمر-الشمس-النجوم...........ايهم تفضل والسبب؟!؟

كفايه كده لو عاوز كمان انا في الخدمه رن بس

yasmine كتب:

انا عندي سؤال
ايه اللي بتحس انه جواك و حاجه انت على طول حاسس بيها بس بتحاول تبعد عنها؟؟
و ايه الكلمه اللي نفسك تقولها ؟؟مش شرط لشخص معين يعني كلمه عايز تقولها و خلاص
و اشمعني الكلمه دي؟؟
لو هتقول لنفسك حاجه عن حد هتقول ايه و عن مين؟؟
بس كده كفايه

اني بحب افتح واخرب اي حاجة كهربية او اي عده بحاول ابعد عشان كده خراب بيوت
والكلمة الي نفسي اقولها وحشيني جدا
اشمعني بقي بحب الكلمة دي
هقول لنفسي حاجة اهي مرة وعدت وخلاص حبينا بصدق واخلاص حبيتك من غير تفكير حبيتك والقلب اختار
اظن عرفتي عن مين عن واحده حبيتها

dr tuxido كتب:

< 1> - صــف نفســـك بكلمتيـــن فقـــط..!

< 2> -مــاهــو الشــئ الذي ندمــت علــي عمـلــــه؟!؟

< 3> -كـلمـــة تمنيـــــت ان تسـتطيـــع سحـبهــــا؟!؟

< 4> -آخـــر شخـــص تتـــذكــــره قبـــل أن تنـــــام؟!؟

< 5> -جــريمــة تتمنـــي لـــو تستطيـــع ارتكابهــــا؟!؟

< 6> -حمـامة زاجـــل حاملـــة رســالة لـك,,,من من تتمنـى ان تكــون؟!؟

< 7> -شخـــص لطــالما حـــلمـــت بــــه؟!؟

< 8> -دمـعـــه انـذرفــــت رغـمــاً عنـــك؟!؟

< 9>-مـوقـــف صــدمــك ولــن تنســــاه؟!؟

<10> -شـخــص تتمنــي الإنتقــام منـــه؟!؟

<11> -شــئ او عمــل لا تستطيــع مســامحته؟!؟

<12> -شــئ او شخــص غيــّر مجــري حياتـــك؟!؟

<13> -حلم لا تستطيـــع تحقيقه؟!؟

<14> -كلمة تود سماعها كل يوم؟!؟

<15> -القمر-الشمس-النجوم...........ايهم تفضل والسبب؟!؟

ماشي يامحمد لما اشوفك في الكلية الاحد ان شاء الله احسن لك متجيش الكلية لو خايف علي نفسك
1-جرئ و طموح او طويل ورفيع
2- قلت قبل كده مش بندم علي حاجة
3-مفيش
4-مبتزكرش حد
5-جريمة ياساتر يارب اني اقتلك دلوقتي
6-من وزير الصحه يقولي ياعمرو رجعنا عن قرار الغاء التكليف ده
7-ماهو خلاص مبقاش بحلم بيه
8-انا مش ببكي بسهوله بس تقريبا اخر مرة بكيت يوم موت جدي
9-حد عارفني عدي من ادامي وعمل نفسه مش شايفني
10-مليش فيه الانتقام ده بس لو فيه يبقي واحده كده ربنا يسامحها
11-ربنا بيسامح انا مش هسامح
12-الشئ هو دخولي الجامعه
13-نفسي افتح مكتب ادوية
14-ازيك
15-القمر لانه بينور في الضلمه وكمان البنت انت بتقولها انت زي القمر ولا الشمس ولا النجوم

DR / MIDOO كتب:

الأم
الأب
الأخ
الأخت
الزوج
الجار

بنت الجيران
الصديق والصديقة
الألم
الحب
المال
الناس
البحر
الليل
الشمس
البكاء
الطفل

القصة
الموسيقى
الرسم

[/size]

الام دي كل حاجة في حياتنا
الاب منقدرش نعيش من غيره
الاخ حاجة تسند عليها
الاخت الحاجة الحلوة الي حنينة عليك اوي مع اني مليش اخوات بنات بس حاليا ربنا رازقني ببنات عمي وعمتي وكده
وكمان بنات اعرفهم اكتر من اخوات
الزوجه دي بقي حامله المستقبل والبطيخه الي ياريت تطلع حمرا
الجار حاجة جميلة تقف جنبك في المسرات والضراء
بنت الجيران هو مفيش بس كنت اتمني وعلي طول بقعد في البلكونة مع نفسي واقول لو كان هنا بنت زميلتي كنت عملت ايه
الصديق ده كل حاجة جلوة ممكن تقال عنه وهو الي يعرف عنك الي اهلك ميعرفهوش
الصديقه دي الاخت الي امي مجبتهاش ليا
الالم دي الحاجة الي بتخليني افرح بعدها
الحب الحاجة الجميلة والاحساس الجميل بيس اه لو كان كدب
المال في حياتنا له عامل كبير بس مش بيفرق برده ملوش قيمه في سبيل حب الناس
الناس الحاجة الجميلة الي بتحسسك انك عايش
البحر بعشقه بالليل توشوشه
الليل هو الستار بحبه عن النهار بيحسسني بالهدوء الي انا عاوزه
الشمس مصدر النور
البكاء بيفرج عنك هموم كتير لو مخنوق بس انا مش بعرف اعيط
الطفل البراءة
القصه الحاجة الي بتسليك في حاجة بتحبها والجو الخيالي الجميل
الموسيقي بتفرحني لما تكون حلوة
الرسم مش بحبه خالص


واي خدمه ياجماعه

بص يا عمرو انا هسالك على حاجه ممكن سؤال تافه :

انتا فطرت قبل كده فى رمضان وانتا كنت قادر تصوم ؟

هههههههههههههه

Dr/AMR كتب:

انا عاوز اقول لياسمين حاجة بس ده مش هروب لاسلتها بس انا هجاوب برده
بس عاوز اعرفها حاجة المفروض السؤال لما يكون حاجة انا عارفها ده يبقي اعتراف
انما لما تجيبي سؤال اقعد افكر في اجابة دي تبقي مش اعتراف ده يبقي امتحان (فهماني)
مثلا تسألي اسمك ايه هقولك علي طول بعترف يعني
انما افكر وامخمخ في الاجابة ده تعب اعصاب

وانتظريني انا هجاوبك برده

اوكيه يا دكتور ماشي
مع اني اتبهدلت اسئله تفكير كده
بس يالا
السؤال بقى
ايه اللي انت عايز تعترف بيه؟؟
اعترف بقى
الانكار مش هيفيدك في حاجه التهمه لبساك لبساك
هههههههههه

اكيد مفيش حد بيحب يعترف بحاجة بس انا هعرفكم علي نفسي
مثلا
انا عمرو الحفناوي طه الحفناوي عمر
مركز المنصورة محافظة الدقهلية
الفرقه الثالثه بكلية الطب جامعه المنصورة
هواياتي المفضله هي مشاهده الافلام الاجنبية ولعب الكورة طبعا
النادي المفضل اكيد برده الاهلي
الدراسة طبعا عتبدأ يوم الاحد كل سنة وانتم طبيبين
ورمضان بكرة كل سنة وانتم طيبين
اانا كنت في الثانوية في مدرسة شها الثانوية وانا جبت في تانية ثانوي 96.8اما في تالته جبت
98% في مجموع السنتين 97.6 اا كنت جايب يعني 400 من 410
وطب كانت واخده من 397.5
واملك من الاخوات اتنين محمد تالته ثانوي وابراهيم تالته اعدادي والطريف اني كمان في تالته طب يعني كلنا تالته
طبعا انا لسه صغير مواليد 15/12/1988 يلا همتكوا بقي عشان هديتي توصلني عبر البريد
يعني لسه هكمل ال 19 شهر 12 الجاي

بس كفاية كده واي حاجة حد عاوز يعرفها يقولي وانا اقوله

toti froty كتب:

انتا فطرت قبل كده فى رمضان وانتا كنت قادر تصوم ؟

هههههههههههههه

بص ياوائل كنت انا وواحد في البلد كنا لسه في ابتدائي بس كنا صايمين وكانت امه عامله حاجات حلوة كتير
دخلنا المطبخ ظبطنا نفسنا وبعدين كملنا صيام ولا من شاف ولا من دري مش فاكر كنا اتد ايه بالظبط بس اعتقد
اني كنت في تالته ابتدائي