لمصلحة مين,,,,,, تأليف::(((DR/Mesho))).

لمصلحة مين؟؟؟؟

لمصلحة مين ياترى ياصاحبى تكذب وانت عارف إن الكذب مالوش رجلين؟؟؟!!!!!!!

لمصلحة مين تخون؟؟؟ وانت عارف إن الخيانة عمرها يومين ويقولوا عليك خاين بدل مايقولوا أمين...........

تعالوا معايا نشوف حكايتنا وفى النهاية نجاوب على أسئلتنا................

نبدأها من عندك ومن عندي ومن عند كل واحد فينا

نبص لنفسنا ونصالحها ونصارحها بكل حاجة ومنخفش لا منا ولا من غيرنا..........

بص لنفسك......... كذاب بس عارف إن الكذب عمره مانفعك وعمره ما وصلك للي أنت عايزه وحتى لو كسبك في الدنيا عمره ما هيكسبك في الآخرة تقدر تقولي لمصلحة مين كذبت؟؟؟!!!!!!!!!

وانت أيوه أنت عارف انك خاين وبتخون نفسك قبل ماتخون غيرك وعرفوك الناس بالخيانة ويا خسارة مفيش حد يآمنلك ولا يحبك ....................... تقدر تقولي لمصلحة مين خنت؟؟؟!!!!!!!!!

وانت يالى بتتكلم على غيرك وبتغلط في غيرك وبتخرج أسرار غيرك وبتنسي انك واحد من البشر والكلمة هتطلع هيطلع قصدها كلااااااااام !!!!!!!!!!! وكما تدين تدان،، وانت بتبص للناس بعين واحدة ، لكن اللي بيبصولك عيون كنير ويا خسارة العيوب أكتر .............تقدر تقولي استفدت أيه؟

ولمصلحة مين غلط واتكلمت ؟؟؟؟؟؟

ومن هنا نبدأ مرحلة التحول في حكايتنا بدأنا بنفسنا وقولنا كلمة صغيرة عن بعض الناس فينا لكن تعالوا معايا نبص عليا وعليك وعلينا كلنا إحنا زى مابيقولوا لينا وطن صغير وإحنا وغيرنا لنا وطن كبير..........

وسؤالي المرة دى هقولة في الأول ........ لمصلحة مين اللي بيحصل في فلسطين؟؟؟؟؟؟

الناس تقدر تجاوب... بس خايفة وعاملة إنها مش عارفه وفضلوا ساكتين

لكن تعالوا نبص بعين الحقيقة وهنضرب مثل صغير ....عارفين اللي في فلسطين عاملين زى الست اللي كل يوم جوزها بيضربها وفضلت على كل كده سنين وسنين وجه في يوم مضربهاش عارفين عملت أيه؟؟؟؟؟؟

فضلت تضرب في نفسها زى اللي بيحصل دلوقتى .... زى ما إسرائيل قتلت وضربت وحرقت ,,,,, حرقوا بعضهم وخانوا بعض وقتلوا بعض بس ياخسارة للي عاش منهم بطل ولا اللي مات شهيد...........................

وتعالوا نمشى شوية على الخريطة ونوصل لغاية لبنان ,,,,,,,, ويلا ماهم جيران وما شابه جاره فما ظلم ,,,, هنشوف معارضه ونشوف حكومة وناس عمالة تعارض وناس عمالة تهتف ومحدش عارف اللى بيعارض على أساس أيه ولا اللى بيهتف بيهتف لمين؟!!!!! للي عاوز مصلحة بلده ولا اللى عاوز مصلحة نفسه بس.

عارفين اللى هيخلصنا من حيرتنا واحد لا هو من الحكومة ول هو من المعارضة واحد بيحب بلدة بجد وعايزها ماتدخلش في حروب جديدة يموت فيها أطفال وستات وشيوخ هم اللى بيدفعوا الثمن وعارفين لو فضل الحال زى ماهو هتخرب صدقوني هتخرب على دماغ الشعب قبل دماغهم هم ....

ونبص بالمرة على العراق وبصراحة محدش عارف مين مع مين ولا مين ضد مين؟؟

ولا فين الصح ولا فين الغلط بس للأسف الشعب الحزين هو اللى بيضييع في الرجلين وارجع وأقول لمصلحة مين؟؟؟؟؟؟؟!!!!!!!

عجبي

تأليف : DR/MESHO

عاوز تعرف لمصلحه مين

كل واحد لمصلحه نفسه ومن وجهه نظره

(بس ايه الجمال ده بصراحه ومن غير مجامله ميتوصفش )

جميل جداجدا

وارشحه للتثبيت

موضوع مثير جدا و اكيد موهبة التاليف دة اتولدت معاك يا ميشو وخير تعليق مع الاعتزار لمعلم الاجيال بيرم التونسي يا مصري وإنت اللي هاممني من دون الكل
نمت والعالم فايق قوم "بص وطل"..
يا مصري ليه حالك ما يسر؟
وليه في أحزانك بتكر؟
وليه بتاكل مر فـ.. مر؟
قوم بص شوف جواك.. حواليك..
وامشِ الطريق حدد خطاويك..
ده بعزم صوتي بانادي عليك..
يا مصري ما إنت اللي هاممني من دون الكل
نمت والعالم فايق قوم طل وبص

الصرحه كلام جميل جداوفعلا جمله جميلة جدا
لمصلحه مين تكدب؟؟؟؟؟؟؟؟؟؟؟؟؟؟؟؟؟؟؟؟؟؟
لمصلحه مين تخون؟؟؟؟؟؟؟؟؟؟؟؟؟؟؟؟؟؟؟؟؟؟

اللى بيحصل ده كله لمصلحه امريكا طبعا ودا كله غزو فكرى زى ما كان هيحص ولا حصل بين المسلمين والمسيحين فى مصر ايام الغزو الانجليزى لمصر هما علول كدا اذا معرفوش بالسلاح يبقى بالخداع والنفاق ودا من وجهة نظرى

ولولا اختلاف الاراء لبارت السلع

بس والله موضوع جامد يا مان

الموضوع رائع وجميل جدا وردي

ان انا ممكن اكدب بس بس طبعا بيبقي فيه اسباب قويه جدااا تخليني اعمل كده

وطبعا مهما كان الكدب مالوش رجلين ومهما كان هو كدب بس انا الحمد لله لما اكدب بابوص لادام واعمل احتياطي مش اي هباله ياعني بكدب وبجيب الدليل علي اني صادق بس ده في المواقف القويه جدااااااااااااااا

اما الخيانه فالحمد لله عمري ماخونت حد مهما كان صاحب او عدو

وباذن الله عمري ماهخون

أولا انا بشكرككم جميعا على المرور والتعليق الجميل لكل شخص فيكم

بس انا عاوز اقول رأى الشخصى فى الموضوع وأعلق عليه لأن دا مش من تأليفى

دا تأليف د/ميشو زى ما أنا كتبت

وبصراحة انا مكتبتش الموضوع إلا لما قرأته وعجبنى فعلا

موضوع جميل جدا تناول أشياء كتير

صفات ممكن تكون فى اى واحد مننا

وياترى فعلا بنعملها لمصلحة مين؟؟؟؟؟؟؟؟؟

وفى النهاية انا بوجة شكر خاص للمؤلفة

د/ميشو

واتمنى من باقى الأعضاء التعليق على الموضوع

تحياتى

DR/Mimo

والله يا دكتور الكلام جميل اوي

وكتير من الناس فيها الصفات دي

والناس ال بتكدب حطه قدام عنيها شعار بيقول

(الصدق ينجي واحيانا الكذب ينجي)

الكذب عمره مكان منجي

والكلام ده مش صحيح

ويارب استرها معانا

والف شكر علي الكلام الجميل ده

بجد يا كتور انا مش عارف اعبر عن رد الفعل لما قرأت الموضوع

قعلا موضوع يستحق وسام التميز

وللمؤلف الوسام الذهبى

لأنه بيناقش الواقع بمرة

وألف شكر لك د/ميمو على نشرك للموضوع دا

وانا أرشحه للتثبيت

والله بجد اللى مش عارف لمصلحة مين

هقوله يعمل إيه يغتسل ويكبر على نفسه أربع تكبيرات

الموضوع بجد جميل وأنا بشكر الدكتورة ميشو على أسلوبها الجميل

بس عايز أضيف حاجة إن اللى بيحصل فى كل بلاد المسلمين

لن نقضى عليه إلا بكلمتين التوحيد والوحدة

فالتوحيد هو توحيد الله وإنه لمن أصعب الأمور

أما الوحدة مفهومة من إسمها مش مستهله لف ودوران

أحب أن أقول هذا الشعر كتعليق

النفس تبكى على الدنيا وقد علمت أن السلامة فيها ترك ما فيها

لا دار للمرء بعد الموت يسكنها إلا التى كان قبل الموت يبنيها

فإن بناها بخير طاب مسكنه وإن بناها بشر خاب بانيها

لا تركلن إلا الدنيا وما فيها فالموت لاشك يفنينا ويفنيها

كلام جميل جدا لكن المفروض يا جماعة طول ما فى حاجة ضد حاجة اكيد فى حا جة صح والثانية غلط احنا بقة واجبنا نحاول بعرف مين الصح ومين الغلط علشان ما نظلمش الصح

ولكن شكر خاص للدكتور الموهوب الدكتور ميش Basketball

و

اية الحلاوة دى

هو بصراحة روعة وطبعا عارفين لمصلحة مين

هى طبعا مش امريكا ولا انتم رايكم اية مش عاوزين نظلم حد

لان الظلم ظلمات يوم القيامة

eng /moh

يا سلام على الكلام الجميل....كلام معقول...مقدرش اقول حاجة عنه
الموضوع رااااااائع يا دكتور
بس يا ترى....لمصلحة مين؟!!!!!!!!!!!!!!!

موضوع: لمصلحه مين الثلاثاء 11 سبتمبر 2007, 1:31 am

[size=29]مشكورة يادكتورة على الموضوع الجامد ده.[/size]
واحنا فى انتظار الموضوع القادم ، بس ياريت تشتركى على المنتدى وتعرضيه بنفسك

لمصلحة مين,,,,,, تأليف::(((DR/Mesho))). 816136

كلامك رائع دكتور ميشو

ومشكور ميمو على عرضك للموضوع ونا بقول زى سلام بالظبط كله لمصلحه نفسه

لما تكدب انتا بتكدب على اساس انك تنفع نفسك اى نعم بتضرها بس صدقنى ساعتها بتحس انك كسبت حاجه يبقى لمصلحتك

ان كان على الخيانه ده امر مفروغ منه

لمصلحه مين اللى بيحصل للشعوب

طبعا لمصلحه الغزاه وقبلهم الخونه اللى مكنوهم من دخول البلد ايا كانت

ونا هسال سؤال لكل اللى ردوا لمصلحه مين ردكم

طبعا لمصلحه نفسك اهو زودت رساله يبقى كله بيدور على مصلحته رغم ان كله شكر فى الموضوع بس فكر فى مصلحته برده

بهزر

بس الموضوع جامد

geek